উচ্চ শিক্ষাৰ প্ৰতিষ্ঠানসমূহত গৱেষণাৰ বাবে এক বিশেষ কাৰ্যসূচীৰ কথা ঘোষণা কৰিছে। এই কাৰ্যসূচী হ’ল- পাৰ্টনাৰশ্বিপ ফৰ এচিলাৰেটেড ইনোভেশ্বন এণ্ড ৰিচাৰ্ছ প্ৰ’গ্ৰাম
/asomiyapratidin/media/member_avatars/a-/AFdZucrahs0cQJtCvPJgez1pmKf-b8DYLM8QcmdGGzcV=s96-c.jpeg)
Follow Us/asomiyapratidin/media/media_files/2024/11/15/bdPUKinoDjOrbFIXlKVU.jpg)
ডিজিটেল ডেস্ক : কেন্দ্ৰীয় চৰকাৰে উচ্চ শিক্ষাৰ প্ৰতিষ্ঠানসমূহত গৱেষণাৰ বাবে এক বিশেষ কাৰ্যসূচীৰ কথা ঘোষণা কৰিছে। সেই উদ্দেশ্যে গ্ৰহণ কৰা এই কাৰ্যসূচী হ’ল- পাৰ্টনাৰশ্বিপ ফৰ এচিলাৰেটেড ইনোভেশ্বন এণ্ড ৰিচাৰ্ছ প্ৰ’গ্ৰাম চমুকৈ পি এ আই আৰ।
সমগ্ৰ দেশজুৰি শীৰ্ষ পৰ্যায়ৰ প্ৰতিষ্ঠানসমূহৰ সৈতে সহযোগিতাৰ ভিত্তিত এই কাৰ্যসূচী ৰূপায়ণ কৰা হ’ব। অনসন্ধান নেচনেল ৰিচাৰ্ছ ফাউণ্ডেশ্বনৰ গ’ভৰ্নিং ব’ৰ্ডৰ বৈঠকত ২০২৪ৰ ছেপ্তেম্বৰত অংশ লৈছিল প্ৰধানমন্ত্ৰী নৰেন্দ্ৰ মোডীয়ে। এই বৈঠকত অধ্যক্ষতা কৰা মোডীয়ে এনে এক কাৰ্যসূচীৰ কথা পোষকতা কৰিছে।
বিজ্ঞান আৰু প্ৰযুক্তি বিভাগে এক বিবৃতিৰ জৰিয়তে জনাই যে এই কাৰ্যসূচীৰ জৰিয়তে পদ্ধতিগত গৱেষণাৰ এক পৰিকাঠামোৰ জৰিয়তে বৃদ্ধি পাব। গৱেষণাসমূহত সম্পদ আৰু বিশেষজ্ঞৰ সুপ্ৰয়োগ আৰু গৱেষকসকলৰ এক সবল নেটৱৰ্কৰ জৰিয়তে ই গৱেষণাক্ষেত্ৰখনলৈ নতুন মাত্ৰা প্ৰদান কৰিব।
প্ৰতিটো পি এ আই আৰ নেটৱৰ্কত এটা হাব ৭টালৈকে উদীয়মাণ উচ্চ শিক্ষাৰ প্ৰতিষ্ঠান থাকিব আৰু ইয়াৰ বিভাগীয় অধ্যাপকসকলে এক দল হিচাপে কাম কৰিব। প্ৰথম পৰ্যায়ত এই কাৰ্যসূচীৰ ২৫টা শীৰ্ষ এন আই আৰ এফ প্ৰতিষ্ঠানত অন্তৰ্ভূক্ত কৰা হ’ব। ইয়াৰ উপৰিও নিৰ্বাচিত কেন্দ্ৰীয় আৰু ৰাজ্যিক বিশ্ববিদ্যালয়সমূহ, ৰাষ্ট্ৰীয় প্ৰযুক্তি প্ৰতিষ্ঠান, আই আই আই টি এই হাবত অন্তৰ্ভূক্ত কৰা হ’ব।
অৰুণাচলৰ ইষ্ট কামেঙৰ হাস্পতালত লোমহৰ্ষক হত্যাকাণ্ড...
ইষ্ট কামেঙৰ চেপ্পা জিলা চিকিৎসালয়ত সংঘটিত হৈছে এক লোমহৰ্ষক হত্যাকাণ্ড। জানিব পৰা মতে নিকাম চাংবিয়া নামৰ এজন লোকে দাৰে কৰা ধাৰাবাহিক আক্ৰমণৰ ফলত চাৰিজন লোকৰ মৃত্যু হয়।
/asomiyapratidin/media/media_files/2024/11/15/9iTTbvoZabyYAKeaKLzk.jpg)
ডিজিটেল ডেস্ক : অৰুণাচল প্ৰদেশৰ ইষ্ট কামেঙৰ চেপ্পা জিলা চিকিৎসালয়ত বৃহস্পতিবাৰে সংঘটিত হৈছে এক লোমহৰ্ষক হত্যাকাণ্ড। জানিব পৰা মতে নিকাম চাংবিয়া নামৰ এজন লোকে দাৰে কৰা ধাৰাবাহিক আক্ৰমণৰ ফলত চাৰিজন লোকৰ মৃত্যু হয়।
লগতে এই ঘটনাৰ ফলত আন ৬জন লোক গুৰুতৰভাৱে আহত হয়। আৰক্ষী অধীক্ষক কামদাম ছিকমে জনোৱা মতে, বৃহস্পতিবাৰে পুৱা প্ৰায় ১১:৩০ বজাত হাস্পতালখনৰ মহিলা ৱাৰ্ডত সংঘটিত হয় এই ঘটনা।
উক্ত ঘটনাৰ ফলত নিহত হোৱা দুজন লোক হৈছে- অভিযুক্তৰ পত্নী তাদে চাংবিয়া, তেওঁলোকৰ দুবছৰীয়া কন্যা মেখ্যা চাংবিয়া। আন দুগৰাকী নিহত লোক হৈছে- ফেই বেয়ং চৌকিদাৰ আৰু পাকা ৱেলী টালাং।
আহত লোকসকলৰ ভিতৰত আছে আৰক্ষী বিষয়া পিএছ চেপ্পা আৰু মিনলি গেই। ইয়াৰে মিনলি গেই বাওঁহাতত গুৰুতৰভাৱে আঘাতপ্ৰাপ্ত হয়।
আৰক্ষী অধীক্ষকগৰাকীয়ে জানিবলৈ দিয়ে যে উক্ত ঘটনাৰে জড়িত অভিযুক্তক ইতিমধ্যে গ্ৰেপ্তাৰ কৰা হৈছে। আৰু তেওঁক আৰক্ষীৰ জিম্মাত ৰখা হৈছে। লগতে ঘটনা সন্দৰ্ভত তদন্ত চলি থকা বুলিও আৰক্ষী অধীক্ষকগৰাকীয়ে অৱগত কৰে।
জানিব পৰা মতে, অভিযুক্তই হাস্পতালখনত ভৰ্তি হোৱা পত্নী আৰু কন্যাক তেওঁলোকৰ চিকিৎসালয়ৰ বিচনাত অকস্মাতে আক্ৰমণ কৰিবলৈ আৰম্ভ কৰিছিল। ইয়াৰোপৰি প্ৰত্যক্ষদৰ্শীকো তেওঁ আক্ৰমণ কৰিবলৈ চোচা লৈছিল। অৱশ্যে কি কাৰণে এই ঘটনা সংঘটিত কৰিলে, সেই সন্দৰ্ভত জানিব পৰা হোৱা নাই।
যুদ্ধ বিমানৰ ককপিটত সুৰাসক্ত দুই সেনাৰ যৌন সম্ভোগ...
সেনাৰ যুদ্ধ বিমানত দুই সেনা জোৱান যৌন সম্ভোগত লিপ্ত হোৱাৰ দৰে এক চূড়ান্ত উদ্ভট ঘটনা শেহতীয়াকৈ পোহৰলৈ আহিছে। এখন যুদ্ধ বিমান নিয়মীয়া তত্বাৱধানৰ সময়তে সংঘটিত হয় এই ঘটনা।
/asomiyapratidin/media/media_files/2024/11/15/wEsFh8fhzIhnAMWdkeh9.jpg)
ডিজিটেল ডেস্কঃ সেনাৰ যুদ্ধ বিমানত দুই সেনা জোৱান যৌন সম্ভোগত লিপ্ত হোৱাৰ দৰে এক চূড়ান্ত উদ্ভট ঘটনা শেহতীয়াকৈ পোহৰলৈ আহিছে। এখন যুদ্ধ বিমান নিয়মীয়া তত্বাৱধানৰ সময়তে সংঘটিত হয় এই ঘটনা।
যুদ্ধ বিমানত যৌন সম্ভোগত লিপ্ত হোৱা এই দুই সেনা জোৱান সেই সময়ত আছিল সম্পূৰ্ণ সুৰাসক্ত অৱস্থাত। প্ৰকাশিত খবৰ অনুসৰি ব্ৰিটিছ সেনাৰ আপাচি যুদ্ধ বিমান নিয়মীয়া তত্বাৱধানৰ সময়ত ককপিটত এই অপকৰ্মত লিপ্ত হৈছিল সেনা জোৱান দুগৰাকী।
ব্ৰিটেইনৰ নৰ্থম্বৰলেণ্ডৰ অটাৰবাৰ্ণ ৰেঞ্জৰ অধীনৰ আছিল এই যুদ্ধ বিমান তথা সেনা জোৱান দুজন। সেই সময়ত ব্ৰিটিছ সেনাৰ গ্ৰাউণ্ড ক্ৰুৱে যুদ্ধ বিমানখনসমূহৰ নিয়মীয়া তত্বাৱধান চলাইছিল।
তেনে সময়তে এখন যুদ্ধ বিমানত এগৰাকী গ্ৰাউণ্ড ক্ৰু গৰাকীয়ে এক অস্বাভাৱিক দৃশ্য লক্ষ্য কৰে। বৰষুণৰ বতৰ হোৱাত তেওঁলোকে ততাতৈয়াকৈ নিয়মীয়া তত্বাৱধান সামৰাৰ সময়তে এখন এ এইছ-৬৪ গানশ্বিপ বা আপাচি বিমানৰ ককপিটত দুই সেনা জোৱান অপকৰ্ত লিপ্ত হোৱা তেওঁৰ দৃষ্টিত ধৰা পৰে।
ককপিটলৈ ভালকৈ মন কৰাত তেওঁৰ দৃষ্টিত ধৰা পৰে ককপিটত যৌন সম্ভোগত লিপ্ত হোৱা ব্ৰিটিছ সেনাৰ পুৰুষ আৰু মহিলা জোৱানগৰাকী অৰ্ধ উলংগ অৱস্থাত আছিল আৰু দুয়োৱে সেই সময়ত সুৰা সেৱান কৰি আছিল। এই ঘটনাই গ্ৰাউণ্ড ক্ৰুৰ সকলো সদস্যকে আচৰিত কৰি তুলিছিল।
পৰৱৰ্তী সময়ত দুয়োকে যুদ্ধ বিমানখনৰ পৰাই আটক কৰা হয়। দুয়োগৰাকী সেনা জোৱান আছিল দুটা ভিন্ন ইউনিটৰ। এগৰাকী সেই সময়ত সামৰিক পোচাকত আছিল যদিও মহিলা জোৱানগৰাকী আছিল অসামৰিক পোচাকত।
এই ঘটনাৰ পাছতে দুয়ো সেনা জোৱানৰ বিৰুদ্ধে ব্যৱস্থা গ্ৰহণ কৰা হয় আৰু এনে ঘটনাৰ যাতে পুনৰাবৃত্তি নহয় তাৰ বাবে কৰ্তৃপক্ষক এই যুদ্ধ বিমানসমূহৰ সুৰক্ষা নিশ্চিত কৰিবলৈ নিৰ্দেশ দিয়া হয়।
২০১৬ চনতে সংঘটিত হোৱা এই ঘটনা শেহতীয়াকৈ এক কম্পিউটাৰ বিজুতিৰ বাবে পুনৰ পোহৰলৈ আহিছে। এই ঘটনাৰ সবিশেষ ৮ বছৰৰ পাছত পুনৰ পোহৰলৈ অহাত বিশ্বজুৰি প্ৰতিক্ৰিয়াৰ সৃষ্টি হৈছে। সেনাৰ নিয়মানুবৰ্তিতা, শৃংখলাবদ্ধতাক লৈয়ো প্ৰশ্ন উত্থাপন হৈছে।
২০২৬ৰ ভিতৰত ৬০,৩০০ হেক্টৰ ভূমিত তৈল পাম বাগিচাৰ লক্ষ্য পতঞ্জলিৰ
অসমৰ মুখ্যমন্ত্ৰী হিমন্ত বিশ্ব শৰ্মাই পতঞ্জলি ফুড লিমিটেডৰ স্বত্বাধিকাৰী ৰামদেৱৰ সৈতে বিগত বৰ্ষত চৈখোৱাঘাটত কৃষি অৰ্থনীতিৰ প্ৰসাৰৰ বাবে তৈলপামৰ ভূমি আৱণ্টন দিয়ে।
/asomiyapratidin/media/media_files/2024/11/15/9qTRNua0mDdzPcUowXVS.jpg)
ৰামদেৱৰ পতঞ্জলি ফুড লিমিটেডে অসমত বজুন পৰিমাণৰ কৃষিভূমিত তৈল পাম বাগিচা আৰম্ভ কৰিবলৈ লৈছে। ২০২৬ৰ ভিতৰত ৬০,৩০০ হেক্টৰ ভূমিত এই বাগিচা খোলাৰ লক্ষ্য লৈছে প্ৰতিষ্ঠানটোৱে। লক্ষ্যণীয় যে বিশ্বৰ বহুকেইখন উন্নত আৰু উন্নয়নশীল দেশে পাম খেতি কৰাৰ বিৰত আছে। তেনে সময়তে অসমত তৈল পাম বাগিচা খুলিবলৈ লোৱা কাৰ্য অসমৰ বাবে অশনি সংকেত কঢ়িয়াই আনিব। এই সন্দৰ্ভতে বিশিষ্ট সাংবাদিক অপূৰ্ব বল্লভ গোস্বামীৰ এই লেখা 'মোৰ মত' শিতানত আগবঢ়োৱা হ'ল।
অসমৰ মুখ্যমন্ত্ৰী হিমন্ত বিশ্ব শৰ্মাই পতঞ্জলি ফুড লিমিটেডৰ স্বত্বাধিকাৰী ৰামদেৱৰ সৈতে বিগত বৰ্ষত তিনিচুকীয়াৰ চৈখোৱাঘাটত কৃষি অৰ্থনীতিৰ প্ৰসাৰৰ বাবে তৈলপামৰ পুলি ৰোপণৰ বাবে ভূমি আৱণ্টন দিয়ে।
উল্লেখযোগ্য যে ৰাজ্যত ৩.৭৫ লাখ হেক্টৰ মাটিত তৈল পাম খেতিৰ লক্ষ্য নিৰ্ধাৰণ কৰাৰ বিপৰীতে পতঞ্জলি ফুড লিমিটেডে ২০২৬ চনৰ ভিতৰত ৬০,৩০০ হেক্টৰ বাগিচাৰ লক্ষ্য নিৰ্ধাৰণ কৰি তৈল পাম বাগিচাক প্ৰসাৰিত কৰাৰ লক্ষ্য লৈছে। ই অসমৰ বাবে এক ভয়াৱহ হ’ব। কিয়নো পাম খেতি বিশ্বৰ বহুকেইখন উন্নত আৰু উন্নয়নশীল দেশে পাম খেতি কৰাৰ বিৰত আছে।
সেই সময়ত মুখ্যমন্ত্ৰী ড০ শৰ্মাই পাম খেতিৰ সম্পৰ্কত মন্তব্য প্ৰকাশ কৰি কৈছিল যে, তৈল পাম বাগিচাৰ জৰিয়তে কৃষি অৰ্থনীতিত বৈপ্লৱিক পৰিৱৰ্তন আনিব। তেওঁ আৰু লগতে কয় যে তেলৰ বাগিচাৰ প্ৰসাৰৰ বাবে ধাৰাবাহিক পদক্ষেপৰ অংশ হিচাপে খাদ্যভিত্তিক কোম্পানী পতঞ্জলি ফুড লিমিটেডে (পিএফএল) ২০২৬ চনৰ ভিতৰত ৬০,৩০০ হেক্টৰ বাগিচাৰ লক্ষ্য নিৰ্ধাৰণ কৰিছে।
লগতে ডিব্ৰুগড়, তিনিচুকীয়া, গোলাঘাট, যোৰহাট, নগাঁও, কামৰূপ, কামৰূপ (মেট্ৰ') আৰু গোৱালপাৰাৰ ৭খন জিলাত পতঞ্জলি ফুড লিমিটেডে তৈলপামৰ বাগিচা উন্নয়ন কৰিব বুলিও তেওঁ কয়। কৃষকসকলক গুণগত বীজ যোগান ধৰাৰ সুবিধাৰ বাবে আগন্তুক বছৰৰ ভিতৰত পিএফএলে ১৬খন নাৰ্চাৰী স্থাপন কৰাৰ পৰিকল্পনা কৰিছে।
পিএফএলে এইবাৰ ৭খন জিলাত ১২টা তৈলপামৰ শোধনাগাৰ স্থাপন কৰিব আৰু অহা বছৰৰ ভিতৰত আৰু চাৰিটা শোধনাগাৰ স্থাপন কৰিব। তদুপৰি ধিং আৰু নগাঁৱত পতঞ্জলি ফুড লিমিটেডে তেলপাম প্ৰক্ৰিয়াকৰণ কাৰখানা স্থাপন কৰিব।
মন কৰিবলগীয়া যে, বিভিন্ন ৰাষ্ট্ৰত ভয়াৱহ মৰুভূমি ঘটোৱা পাম খেতি নিষিদ্ধ কৰাৰ সময়তে অসমত মুখ্যমন্ত্ৰীগৰাকীয়ে ৰামদেৱক পাম খেতি কৰিবৰ বাবে যি ৰঙা দলিচা পাৰি দিছে সেয়াই অনাগত দিনত অসম মৰিশালিত পৰিণত হ’ব।
উল্লেখ্য যোগ্য যে, পাম খেতিৰ দ্ৰুত সম্প্ৰসাৰণৰ ফলত ইণ্ডোনেছিয়া আৰু মালয়েছিয়াৰ গ্রীষ্মমণ্ডলীয় বৰ্ষাৰণ্যৰ বিশাল অঞ্চল ধ্বংস হৈছে, যাৰ ফলত কাৰ্বন ডাই অক্সাইডৰ নিৰ্গমন বৃদ্ধি পাইছে আৰু বহুতো বিপন্ন প্ৰজাতি উদ্ভিদ আৰু বনপ্ৰাণীৰ বাসস্থান ধ্বংস হৈছে। বিশ্ব বন্যপ্ৰাণী নিধি (WWF)ৰ তথ্য অনুসৰি যোৱা তিনিটা দশকত গ্রীষ্মমণ্ডলীয় বন প্রজাতিৰ সূচকাংক ২৫ শতাংশলৈ হ্ৰাস পাইছে।
বিশ্বজুৰি বিংশ শতিকাৰ শেষৰ ২০ বছৰত ৩০ কোটি হেক্টৰ গ্রীষ্মমণ্ডলীয় বনাঞ্চল ধ্বংসৰ গৰাহত পৰিছে। ২০১৫ চনৰ পৰা ২০২০ চনৰ ভিতৰত বনাঞ্চল ধ্বংসৰ হাৰ বছৰি এক কোটি হেক্টৰ বুলি অনুমান কৰা হৈছে। কেইবাটাও গৱেষণামূলক অধ্যয়নত প্ৰকাশ পাইছে যে বিশ্বৰ বেছিভাগ বনাঞ্চল ধ্বংসৰ অন্যতম কাৰণ এই পাম তেল বাগিচাসমূহ।
আফ্ৰিকাৰ স্থানীয় আৰু ঔপনিৱেশিক কালত দক্ষিণ-পূব এছিয়ালৈ অনা এই পাম তেল বাগিচাসমূহে এতিয়া মালয়েছিয়া আৰু ইণ্ডোনেছিয়াৰ বিশাল অঞ্চল সামৰি লৈছে। দুয়োখন দেশে মিলি বিশ্বৰ ৮৫ শতাংশতকৈ অধিক পাম তেল উৎপাদন কৰে।
বহু আগৰ পৰাই পাম অইল ব্যৱহাৰ কৰি আহিছে। আফ্ৰিকাত প্ৰাচীন কালৰ পৰা পাম অইল ৰন্ধন তেল হিচাপে ব্যৱহাৰ কৰা হয়। ইউৰোপীয় ব্যৱসায়ীসকলে আফ্ৰিকাৰ পৰা পাম তেল কঢ়িয়াই নিজৰ দেশলৈ ঘূৰাই লৈ গৈছিল।
ইংৰাজে ঔদ্যোগিক বিপ্লৱৰ সময়ত পাম অইলক উদ্যোগিক লুব্ৰিকেণ্ট হিচাপে ব্যৱহাৰ কৰিবলৈ আৰম্ভ কৰিছিল। ১৮৭০ চনৰ ভিতৰত পাম তেল পশ্চিম আফ্ৰিকাৰ বহু দেশৰ প্ৰধান ৰপ্তানি সামগ্ৰী হৈ পৰে। আফ্ৰিকাত পাম তেল উৎপাদনৰ উৎপত্তিস্থল বেনিন বুলি বিশ্বাস কৰা হয়।
১৯৬০ চনত কলম্বিয়াই পাম তেল উৎপাদন আৰম্ভ কৰি আমেৰিকাৰ সৰ্বাধিক উৎপাদনকাৰী দেশ হিচাপে পৰিগণিত হয়। ১৯৯৪ চনৰ পৰা ২০০৪ চনৰ ভিতৰত ইণ্ডোনেছিয়াই ৪০০ শতাংশ উৎপাদন বৃদ্ধি কৰে। বৰ্তমান মালয়েছিয়াত বছৰি ১ কোটি ৯০ লাখ টন পাম তেল উৎপাদন হয়।
আনহাতে ইণ্ডোনেছিয়াই ৪.৩ কোটি টন পাম তেল উৎপাদন কৰে। নাইজেৰিয়া বিশ্বৰ তৃতীয় বৃহত্তম পাম অইল উৎপাদনকাৰী দেশ। ২০০৬ চনত বিশ্বজুৰি পাম তেলৰ উৎপাদন ৬.৩ কোটি টন বুলি অনুমান কৰা হৈছিল।
২০১৮ চনত এই সংখ্যা ৭৪ নিযুত টনলৈ বৃদ্ধি পাইছিল। চকলেটৰ পৰা আৰম্ভ কৰি ব্ৰেড, ইনষ্টেণ্ট নুডলছৰ পৰা আৰম্ভ কৰি চেম্পু আৰু বিভিন্ন প্ৰসাধন সামগ্ৰীলৈকে সকলোতে পাম অইল থাকে।
বিশ্বজুৰি প্ৰতিজন ব্যক্তিয়ে প্ৰতি বছৰে গড়ে ৮কিলোগ্ৰাম পাম অইল সেৱন কৰে আৰু আমাৰ দৈনন্দিন জীৱনৰ প্ৰায় ৫০ শতাংশ অত্যাৱশ্যকীয় সামগ্ৰীত পাম অইল থাকে। পাম অইল ক্ষতিকাৰক বুলি জনাৰ পিছতো বিশ্ব বিভিন্ন দেশত কোম্পানী সমূহে বিভিন্ন সামগ্ৰীত পাম অইল ব্যৱহাৰ কৰি আহিছে যদিও ইয়াক ধৰা পেলোৱাটো কঠিন। এই সামগ্ৰীসমূহে প্ৰায়ে উপাদানৰ তালিকাত লুকাই চুৰকৈ ছদ্মনামৰে ছদ্মবেশ ল’ব পাৰে।
বিশেষকৈ দক্ষিণ-পূব এছিয়াৰ দেশসমূহত বৰ্ষাৰণ্যৰ বিশাল অংশৰ ঠাইত পাম তেল গছ ৰোপণ কৰা হৈছিল। পশ্চিম আৰু মধ্য আফ্ৰিকাৰ কেইবাখনো দেশত একেধৰণৰ পৰিৱেশ ধ্বংস হোৱা দেখা গৈছে। পাম তেল বাগিচাই থলুৱা উদ্ভিদ আৰু প্ৰাণীক প্ৰাকৃতিক বাসস্থানৰ পৰা বঞ্চিত কৰিছে।
এতিয়া ইণ্ডোনেছিয়াৰ ষষ্ঠ বৃহত্তম দ্বীপ ইণ্ডোনেছিয়াৰ সুমাত্ৰাৰ ১১ শতাংশ অংশ পাম তেলে সামৰি লৈছে। সুমাত্ৰাৰ দৰে ঠাইত এই উদ্যোগৰ বৃদ্ধিয়ে বৰ্ষাৰণ্যৰ কিছুমান বন্যপ্ৰাণী প্ৰজাতিও বিলুপ্তিৰ দিশে ঠেলি দিছে। ইণ্ডোনেছিয়া আৰু মালয়েছিয়াত হাতী, বাঘ, প্ৰব’চিছ বান্দৰ আৰু সুমাত্ৰা গঁড়ৰ দৰে তেলপামৰ বাবে ঠাই সৃষ্টি কৰিবলৈ বহু বিপন্ন বন্যপ্ৰাণীয়ে ঘৰ হেৰুৱাইছে।
এই দুয়োখন দেশতে প্ৰায় ৮০ হাজাৰ সংকটজনকভাৱে বিপন্ন ওৰাংগুটানৰ বাসস্থান আৰু পাম তেল বাগিচাৰ বাবে ইহঁতৰ বাসস্থান অহৰহ বনাঞ্চল ধ্বংসৰ ভাবুকিৰ সন্মুখীন হৈছে। পাপুয়া নিউগিনিৰ বৰ্ষাৰণ্যৰ বিশেষ পৰিৱেশ তন্ত্ৰত বহুতো বিপন্ন উদ্ভিদ, প্ৰাণী আৰু থলুৱা লোকৰ বাসস্থান। এই অঞ্চলত বিশ্বৰ পাঁচ শতাংশ জৈৱ বৈচিত্ৰ্য আছে যদিও পাম খেতিয়ে ইয়ালৈ বিপদ কঢ়িয়াই আনিছে।
২০৩০ত ভাৰতৰ ক্ৰীড়া উদ্যোগৰ পৰিসৰ বৃদ্ধি পাব ১৩০ বিলিয়ন মাৰ্কিন ডলাৰলৈ
দেশৰ ক্ৰীড়া উদ্যোগে ২০৩০ চনত বিশেষ সফলতা লাভ কৰিব। বৰ্তমান ক্ৰীড়া উদ্যোগৰ মূল্য ৫২ বিলিয়ন মাৰ্কিন ডলাৰৰ পৰা ২০৩০ত এই উদ্যোগৰ পৰিসৰ বৃদ্ধি পাব ১৩০ বিলিয়ন মাৰ্কিন ডলাৰ লৈ
/asomiyapratidin/media/media_files/2024/11/15/KBhhhFJW7H2pitCMEOhi.jpg)
ডিজিটেল ডেস্ক : দেশৰ ক্ৰীড়া উদ্যোগে ২০৩০ চনত বিশেষ সফলতা লাভ কৰিব। দেশৰ বৰ্তমান ক্ৰীড়া উদ্যোগৰ মূল্য ৫২ বিলিয়ন মাৰ্কিন ডলাৰৰ পৰা ২০৩০ত এই উদ্যোগৰ পৰিসৰ বৃদ্ধি পাব ১৩০ বিলিয়ন মাৰ্কিন ডলাৰ লৈ।
ডেলিয়ট গুগুলৰ এক প্ৰতিবেদনত প্ৰকাশ পোৱা তথ্য অনুসৰি ক্ৰীড়াখণ্ডটোৰ বাৰ্ষিক বৃদ্ধিৰ হাৰে ক্ৰীড়া অনুৰাগী আৰু ক্ৰীড়া আন্তঃগাঁঠনিত যথেষ্ট প্ৰভাৱ পেলাব। এই সম্ভাৱনাই ভাৰতত ক্ৰীড়াক্ষেত্ৰখনৰ নতুন দুৱাৰ মুকলি কৰিব। গুগুল ইণ্ডিয়াৰ মুৰব্বী ৰমা দত্তই কয় যে ডিজিটেল প্লেটফৰ্ম, ক্ৰীড়া অনুৰাগীৰ উত্থানে দেশৰ ক্ৰীড়াক্ষেত্ৰক সম্বৃদ্ধ কৰি তুলিব।
বৰ্তমান ভাৰতত ডিজিটেল প্লেটফৰ্মৰ উত্থানে দৰ্শক আৰু অনুৰাগী বৃদ্ধি কৰিছে। জেন জেদৰ ৯৩ শতাংশ অনুৰাগীয়ে ডিজিটেল কণ্টেনত বিশ্বাস ৰাখিছে। তেওঁলোকে হাইলাইট আৰু চুটি ফৰ্মৰ ভিডিঅ’ তথা লং লাইফ কণ্টেনত ২০ শতাংশৰ অধিক সময়ত অতিবাহিত কৰে।
পৰম্পৰাগত টেলিভিশ্বনৰ বাহিৰেও ডিজিটেলৰ বিভিন্ন ফৰ্মত বৃদ্ধি হোৱা দৰ্শক হৈছে এই ক্ৰীড়া উদ্যোগৰ বিস্তাৰণৰ প্ৰধান কাৰণ। ইয়াৰ ফলত ২০৩০ চনৰ ভিতৰত নিয়োগৰ বৃদ্ধি পোৱাৰ লগতে খেলুৱৈসকলৰ পৰোক্ষ ৰাজহ আহৰণ ২১ বিলিয়ন মাৰ্কিন ডলাৰ লৈ বৃদ্ধি পাব।
আই পি এলে বছৰি ১.২ বিলিয়ন মাৰ্কিন ডলাৰ উপাৰ্জন কৰিছে। খেলো ইণ্ডিয়া, অলিম্পিক প্ৰস্তুতিৰ আঁচনিৰ দৰে চৰকাৰী পদক্ষেপে তৃণমূল ক্ৰীড়াক্ষেত্ৰখনত যথেষ্ট প্ৰভাৱ পেলাইছে। ইয়াৰ বাবে ক্ৰীড়াক্ষেত্ৰখনৰ উন্নয়ন আৰু আন্তঃ গাঁঠনি সবল হৈছে।
কৃত্ৰিম বুদ্ধিমত্তাৰ প্ৰয়োগে খেলুৱৈৰ প্ৰশিক্ষণ আৰু অনুৰাগীৰ পাৰস্পৰিক সম্পৰ্কত পৰিৱৰ্তন আনিছে। গ্ৰাম্য অঞ্চলত এতিয়া ক্ৰীড়া অনুৰাগীৰ সংখ্যা ৫৯ শতাংশ বৃদ্ধি পাইছে।
স্থানীয় ভাষাৰ প্ৰয়োগ, ব্যৱহাৰ, ডিজিটেল প্লেটফৰ্মৰ সহায়ে নতুন নতুন খেলক মানুহৰ মাজলৈ লৈ গৈছে। এয়া এক অৰ্তনৈতিক বিকাশ আৰু সামাজিক পৰিৱৰ্তনৰ কাৰক।
এনেবোৰ কাৰণতেই খো খো, কাবাডীৰ দৰে খেলৰো প্ৰচাৰ সম্প্ৰাসাৰণ বাঢ়িছে। এই সহযোগিতাই ভাৰতৰ সৰ্বাংগীন ঐক্যক ক্ৰীড়া বিপ্লৱৰ জৰিয়তে বিশ্বমুখী হোৱাৰ সুযোগ আনি দিছে।
0 Comments